1.03.2024 ж.
БАҚ үшін хабар
Фермерге таңдау құқығын беру. Агробизнес ауыл шаруашылығы техникасын субсидиялауды өзгерту жөніндегі жоспарларды талқылауда.
«Біз, ел азаматтары ретінде, отандық машина жасауды дамытудың не екенін түсінеміз және соған мүдделіміз, алайда, бұл мәселені үш тұрғыдан: өнім берушілер, құрастыру өндірісі және тұтынушылардың өздері – ауыл шаруашылығы тауарын өндірушілер тарапынан қарау қажет. Бірақ, аграрлық бизнес өкілдері ҚР Үкіметінде ауыл шаруашылығы техникасының импортына мемлекеттік қолдау шараларын өзгертуге қатысты айтылған соңғы жоспарларға түсініктеме бере отырып, ең алдымен, біз ауыл шаруашылығы тауарын өндірушілердің мүддесіне назар аударуымыз керек», - дейді.
Агробизнес өкілдерінің пікірінше, Президент өндірісті екі есеге ұлғайту, машина-трактор паркін 10%-ға жаңарту міндетін қойды. Бұл жағдайда ауыл бизнесіне таңдау құқығын беру керек және, сәйкесінше, қаржыландыру құралдарын құру қажет. Яғни, ауыл шаруашылығы тауарын өндіруші өзіне қажетті техниканы және оны сатып алу тәсілдерін өзі таңдай алатындай арзан ақша және ашық, қолжетімді нарық болуы тиіс. Жаңашылдықтар, ел аграршыларының айтуынша, фермерлерді қандай ауыл шаруашылығы техникасымен жұмыс істеу керектігін таңдау құқығынан айыруы мүмкін.
Сонымен қатар, АӨК салалық қауымдастықтар одағы Қазақстан Президентінің атына хат жолдады, оның мәні – осы жоспарларды іске асыруға асықпау керек, осы шешімдерден пайда алушыларды және ұсынылып отырған өзгерістердің АӨК дамыту тиімділігіне әсерін мұқият зерделеу қажет.
Естеріңізге сала кетейік, осы жылдың ақпан айында Индустрия және инфрақұрылымдық даму министрлігі елішілік құндылық мәселелері жөніндегі кеңесте импорттық жоғары өнімді техниканы сатып алу (лизинг) кезінде инвестицияларды және АШТӨ кредиттері бойынша сыйақы мөлшерлемесін субсидиялаудан бас тартуды ұсынған. Отандық ауыл шаруашылығы машиналарына лизинг 6%-бен берілген кезде, импорттық ауыл шаруашылығы машиналарына лизингті 15%-бен беру, сөйтіп, Қазақстанда аналогтары жиналатын импорттық ауыл шаруашылығы машиналары үшін инвестициялық субсидияларды толығымен жою ұсынылды.
«Jańa Dala / Green Day» мамандандырылған халықаралық көрсетім-көрмесі - Қазақстанда 2013 жылдан бері өткізіліп келе жатқан Дала күні форматындағы дәстүрлі іс-шара. Көрме 2024 жылғы 18-19 шілдеде өтеді және заманауи ауыл шаруашылығы технологияларының, жоғары өнімді техниканың, селекциялық жетістіктердің, сондай-ақ ветеринария, органикалық егіншілік және өсімдіктерді қорғау саласындағы инновациялық әзірлемелердің республикадағы ең ірі көрсетім алаңы болып табылады. Дала күні аясында Қазақстанның барлық өңірлерінен асыл тұқымды мал тұқымдарының көрсетімдері мен аукциондары өткізіледі. «Jańa Dala / Green Day» жыл сайын Ақмола облысының Ақкөл ауданындағы «Еңбек» ЖШС-нің көрсетім алаңдарында, Астана қаласынан 90 шақырым қашықтықта, Астана-Көкшетау автобанының бойында өтеді. Көрмені ұйымдастырушы – «Expo TIME» қазақстандық компаниясы
_________________________________________________
«Jańa Dala / Green Day ‘2024» баспасөз орталығы,
Ринат Тасболатов, 8-701 460 91 82, e-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.
