20.07.2024 ж.
БАҚ үшін хабар
Етті ІҚМ тұқымдары арасында Ұлттық конкурстың жеңімпазы - Ең күшті бұқа аталды
Қазақстанда етті ІҚМ тұқымдары арасында Ұлттық конкурстың жеңімпазы және жарыстың бас жүлдесі – жаңа YTO-ME404 тракторының иегері аталды!
Малшылар арасындағы конкурс қазақстандық «Jańa Dala / Green Day ‘2024» Дала күні аясында өтті. Халықаралық қазылар алқасының шешімімен «Jańa Dala / Green Day ‘2024» «Ең күшті бұқа» номинациясында Qazaq Аqbas қазақтың ақбас тұқымының республикалық тұқымын (РТ) көпшілікке ұсынған, Абай облысындағы «Дәурен» шаруа қожалығының (ШҚ) «Шомбал» атты бұқасы жүлде иегері болды. «Шомбалға» 16 ай болды, салмағы 598 кг, туған кездегі салмағы 26 кг.
Жеңімпаздарға трактордың кілтін конкурс демеушісінің өкілі «АГРОТЕХМЕНЕДЖМЕНТ» ЖШС табыс етті.
Абсолюттік чемпионды, «Шомбал» бұқасын сол жерде, аукционда Солтүстік Қазақстан облысы, Ақжар ауданының шаруашылықтарының бірі 1 млн теңгеге сатып алды.
Ақмола облысының «KazBeef» ЖШС шаруашылығынан Ангус Қазақстан РП өкілі «Stevenson» атты бұқа вице-чемпион атанып, 1 орын иегеріне айналды.
Герефорд тұқымы РП өкілі, Қостанай облысының «Олжа Арыстан ПК» шаруашылығынан «Стильный» атты бұқа 2-ші орынды иеленді.
3-ші орынды қазылар алқасы Әулиекөл тұқымы РП өкіліне, Қостанай облысының Москалевское ЖШС шаруашылығынан «Тополь» атты бұқаға берді.
Өздеріңізге мәлім, республиканың АӨК-де 18-19 шілде аралығында «Jańa Dala / Green Day ‘2024» мамандандырылған халықаралық көрсетім-көрмесі өтті. Бұл іс-шараның аясында етті және сүтті ІҚМ тұқымдарының арасында Ұлттық конкурс өтті. «Jańa Dala / Green Day '2024» «Ең күшті бұқа» номинациясында Ұлттық конкурстың Абсолюттік чемпионының таңдалуы асыл тұқымды мал шаруашылығының кәсіби мамандары сайысының қорытындысына айналды.
Конкурсқа Әулиекөл тұқымының, Qazaq Аqbas қазақтың ақбас тұқымының, Қазақстанның Ангус тұқымының, Герефорд тұқымының 56 бұқасы қатысты. Конкурс көрсетіміне Қалмақ тұқымының, сондай-ақ Шароле, Лимузин, Обрак тұқымдарының РП бұқалары қатысты.
Жеңімпаздарды Қазақстаннан, Ирландиядан, Шотландиядан және АҚШ-тан келген қазылар алқасының беделді құрамы - көптеген жылдар бойы ірі қара мал өсірумен айналысатын етті мал шаруашылығы жөніндегі халықаралық сарапшылар таңдады.
Етті ІҚМ тұқымдары арасындағы Ұлттық конкурс барысында жоғары өнімді асыл тұқымды ІҚМ төлдерін сату бойынша аукциондар, ашық сауда-саттықтар өтті.
Сондай-ақ, «Jańa Dala / Green Day ‘2024» Дала күнінде Еділбай тұқымының әр түрлі жыныс-жас топтарының асыл тұқымды қойлары және Павлодар облысының «AGRO TAWA» ЖШС-нен импорттық етті дорпер тұқымдарының қошқарлары, Ақмола облысының «Сулейменов К» ШҚ-нан дорпер, Суффолк, Шароле қойлары ұсынылды. Асыл тұқымды қойлар көрмесіне Ақмола, Солтүстік Қазақстан, Қарағанды және Павлодар облысынан ШҚ қатысты. Көрме барысында Еділбай тұқымының асыл тұқымды қойларының аукционы, қошқар көтеру, жілік сындыру сияқты ұлттық ойындар өтті. Қой шаруашылығына арналған жабдықтар мен ветеринариялық препараттар, сондай ақ қойшы иттердің жұмысы ұсынылды.
«Jańa Dala / Green Day» мамандандырылған көрсетім-көрмесі - 2013 жылдан бері өткізіліп келе жатқан дәстүрлі Дала күні форматындағы іс-шара. Көрме заманауи ауыл шаруашылығы технологияларының, селекциялық жетістіктердің, жоғары өнімді техниканың, сондай-ақ мал шаруашылығы, ветеринария, өсімдіктерді қорғау және органикалық егіншілік саласындағы инновациялық әзірлемелердің республикадағы ең ірі көрсетім алаңы болып табылады. Дала күні аясында Қазақстанның барлық өңірлерінен асыл тұқымды мал тұқымдарының көрсетімдері мен аукциондары өткізіледі.
_________________________________________________
«Jańa Dala / Green Day ‘2024» ақпараттық орталығы,
Ринат Тасболатов, 8-701 460 91 82, e-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.
https://www.instagram.com/jana_dala_greenday/
