БАҚ үшін хабар

«Jańa Dala / Green Day ‘2025» аясындағы жаңа жобалар

2025 жылғы 8 мамырда Көкшетау қаласында Ақмола облысы әкімінің орынбасары М.С. Балпан, облыстық ауыл шаруашылығы және жер қатынастары басқармасының басшысы Н.Б. Бадыраков және «EXPO TIME» компаниясының директоры А.Т. Сагимбаевтың қатысуымен кездесу өтті.

Кездесу барысында биыл алғаш рет Целиноград ауданының Нуресиль ауылында өтетін «Jańa Dala / Green Day ‘2025» Қазақстанның Дала күні мамандандырылған көрме-демонстрациясына дайындық барысы талқыланды.

Аталған Дала күні аясында бірқатар жаңа жобалар жоспарланған, және бұл бастамалар Ақмола облысы басшылығы тарапынан толық қолдау тапты.

Алдағы аптада аудан әкімдерінің қатысуымен жаңа кездесу өткізіліп, осы жобалар жан-жақты талқыланатын болады.

«Jańa Dala / Green Day» мамандандырылған халықаралық көрсетім-көрмесі – Қазақстанда 2013 жылдан бере Дала күні форматында өткізіліп келе жатқан дәстүрлі іс-шара. Көрме жыл сайын шілде айында өткізіледі және заманауи ауыл шаруашылығы технологияларының, өнімділігі жоғары техникалардың, селекциялық жетістіктердің, сондай-ақ ветеринария, органикалық егіншілік және өсімдіктерді қорғау саласындағы инновациялық әзірлемелердің республикадағы ең ірі көрсетім алаңына айналған.  Дала күні аясында Қазақстанның барлық өңірлерінен асыл тұқымды мал тұқымдарының көрсетілімдері мен аукциондары өткізіледі. «Jańa Dala / Green Day» жыл сайын Ақмола және Қостанай облыстарының көрсетім алқаптарында өтеді. Көрмені ұйымдастырушы - қазақстандық «EXPO TIME» компаниясы.

_________________________________________________

«Jańa Dala / Green Day» ақпараттық орталығы,

Ринат Тасболатов, 8-701 460 91 82,

e-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.;  https://expotime.kz