БАҚ ҮШІН ХАБАРЛАМА
2025 жылғы 31 шілдеде Қазақстанда ең ауқымды астық конференциясы — «Астық 2025» өтеді
EXPO TIME компаниясы АПК-Информ Азия (Қазақстан) және Inter Standart Consult (Өзбекстан) серіктестігімен бірге «Астық 2025» атты ауқымды халықаралық астық конференциясын жариялайды.
Бұл шара 2025/26 жаңа астық маусымының қарсаңында алғаш рет 500-ден астам ауыл шаруашылығы тауар өндірушілерін, агротехнологиялар, техника және жабдық жеткізушілерді бір алаңда біріктіреді.
Іс-шара «Jańa Dala / Qarqyn ‘2025» Қазақстандық Дала күні халықаралық ауыл шаруашылығы көрме-демонстрациясы аясында өтеді.
Өтетін орны: Қостанай қаласынан 65 км жерде орналасқан «Восток-1» ЖШС және «Агрофирма Қарқын» ЖШС демонстрациялық алқаптары (Қостанай облысы, Меңдіқара ауданы, Степановка ауылы).
Бұл конференция алғаш рет ашық аспан аясында өтеді, ұйымдастырушылар қатысушылар үшін конференц-зал мен тамақтану аймақтарын қамтамасыз етеді. Шара аясында қатысушылар нақты астық нарығының атмосферасын сезініп, тек сауда трендтері туралы емес, сонымен қатар астық және оның өңделген өнімдерін өндіру мен сату бойынша әлемдік тәжірибелер жайлы пікір алмасатын болады.
Конференция бағдарламасы екі негізгі блоктан тұрады – өндірістік-нарықтық және технологиялық.
Негізгі тақырыптар мыналар болады:
Өндірістік-нарықтық блок
- Қазақстан картасындағы 2025 жылғы егін: астық, бұршақ, майлы және нишалық дақылдар;
- Негізгі дақылдар бойынша жалпы өнім болжамдары, өңірлік ерекшеліктер мен ауа райын ескере отырып;
- 2024/25 аграрлық маусымының қорытындылары: жинау алдындағы қорлар мен сауда трендтері;
- Әлемдік нарық тенденциялары және олардың Қазақстан нарығына әсері;
- Жаңа маусымның басындағы нарықтық бағалар: аграрийлер қандай баға күтеді және трейдерлер мен өңдеушілер не ұсынады;
- Ауыл шаруашылығы жүктерінің ішкі логистикасы.
Агротехнологиялық блок «Антиграбли» – Қазақстанда ауыл шаруашылығы өндірісіне төнетін сын-қатерлерге қарсы тұруға көмектесетін білім мен тәжірибе
- Әлемдік және қазақстандық агрокомпаниялардан астық және майлы дақылдарды өндіру бойынша үздік технологиялар;
- Ауыл шаруашылығы өнімдерін сақтау және кептіру үшін сыйымдылықтар бойынша тиімді ұсыныстар;
- Тұқым дайындаудың жаңа шешімдері;
- Өсімдіктерді қорғау құралдарын қолдану: технологияны бұзудың салдары;
- Органикалық ауыл шаруашылығы – премиум сегмент. Әлемдік және отандық тәжірибе.
«Дала күні» көрмесінің қатысушылары мен ауыл шаруашылығы өндірушілері үшін конференцияға делегат ретінде қатысу – алдын ала тіркелу арқылы тегін.
Агротехнологиялық компанияларды, ауыл шаруашылығы техникасы мен жабдық өндірушілерін, логистикалық және өңдеу компанияларын спикер және демеуші ретінде қатысуға шақырамыз.
Өтетін орын туралы
*«Агрофирма Қарқын» ЖШС туралы ақпарат:
- Шаруашылық элиталық тұқым өсіру мәртебесіне ие, мұнда 12-ге жуық дақыл түрі өсіріледі: астық, бұршақ, майлы, мал азықтық, көкөніс және жармалық дақылдар.
- Жалпы егістік көлемі 110 мың га, оның 268 га суармалы жерлер, мұнда жоңышқа, жүгері, картоп өсіріледі. Болашақта бұл көрсеткішті 1000 га дейін ұлғайту жоспарлануда.
- Құс фабрикасы, балапан шығаратын қаз фермасы бар.
- Аулиекөл (1700 бас) және ангус (1000 бас) тұқымды ірі қара өсіретін екі асыл тұқымды репродуктор бар.
- 2025 жылы голштин тұқымды 600 бас сиыры бар таварлы сүт фермасы іске қосылды, ферма 1200 басқа есептелген.
«Jańa Dala / Green Day» халықаралық мамандандырылған көрме-демонстрациясы — Қазақстанда 2013 жылдан бері өткізіліп келе жатқан дәстүрлі Дала күні форматындағы іс-шара. Көрме жыл сайын шілде айында өтеді және республикадағы ең ірі заманауи ауыл шаруашылығы технологиялары, жоғары өнімді техникалар, селекциялық жетістіктер, сондай-ақ ветеринария, органикалық егіншілік және өсімдіктерді қорғау салаларындағы инновациялық шешімдерді таныстыратын демонстрациялық алаң болып табылады. Дала күні аясында Қазақстанның барлық өңірлерінен әкелінген асыл тұқымды малдардың көрмесі мен аукциондары ұйымдастырылады. «Jańa Dala / Green Day» көрмесі жыл сайын Ақмола және Қостанай облыстарындағы демонстрациялық алқаптарда өткізіледі. Іс-шараның ұйымдастырушысы — қазақстандық «EXPO TIME» компаниясы.
_________________________________________________
«Jańa Dala / Green Day» ақпараттық орталығы
Ринат Тасбулатов, 8 701 460 91 82
e-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript., https://expotime.kz
