18.06.2025 г.
БАСПАСӨЗ ХАБАРЛАМАСЫ
AMAZONE Қазақстандағы позициясын нығайтады:
Jańa Dala / Green Day ‘2025 көрмесінде озық агротехнологиялар
AMAZONE «Jańa Dala / Green Day ‘2025» көрмесінде жаңа агротехнологияларын ұсынады.
Amazone — ауыл шаруашылығы техникасын шығаратын жетекші герман өндірушісі — Қазақстанда өтетін «Jańa Dala / Green Day ‘2025» арнайы көрме-демонстрациясына қатысатынын ресми түрде мәлімдеді. Компания агроөндірістің өнімділігін арттыруға арналған сенімді шешімдерін ұсынуды жоспарлап отыр.
Компания Қазақстандағы қызметін белсенді дамытып келеді және өңірлік агроқұрылымдармен ынтымақтастыққа ерекше мән береді. Осы тәсілдің арқасында Amazone қазақстандық фермерлерге елдің климаттық және топырақтық ерекшеліктеріне барынша бейімделген технологияларды ұсына алады.
«Амазоне» ЖШС дәстүрлі түрде Нұресіл ауылында өтетін Jańa Dala / Green Day көрмесінің Технологиялық демеушісі ретінде қатысады, техникалық сараптама мен инновациялық техникаларды дала жағдайында көрсету үшін ұсынады. Бұл компанияның Қазақстанның агроөнеркәсіптік секторын жүйелі қолдайтынын көрсетеді.
«Jańa Dala / Green Day ‘2025» көрмесінде Amazone мамандары Teres 200 жаңа аспалы толықайналмалы соқасын таныстырады. Ол 200 а.к. дейінгі тракторларға арналған және топырақ жағдайларына икемделуін арттыратын ені реттелетін гидравликалық жүйемен жабдықталған.
Сонымен қатар, қазақстандық фермерлер назарына Venterra 2K қатар аралық өңдеуге арналған машина ұсынылады — бұл арамшөптермен тиімді механикалық күрес пен өнімділікті арттыруға бағытталған заманауи шешім. Amazone инженерлерінің айтуынша, параллелограмманың 50 см-ге дейін көтерілуі Venterra 2K-мен өсімдіктерге зиян келтірмей, егіннің кеш кезеңдерінде де жұмыс істеуге мүмкіндік береді.
2024 жылғы қыркүйекте AMAZONEN-WERKE H. Dreyer SE & Co. KG компаниясы мен «АгромашХолдинг KZ» АҚ бірлесіп, тыңайтқыштарды қатар енгізу функциясы бар Condor 15001-С жоғары өнімді пневматикалық сепкішін Қазақстанда шығаруға арналған келісімге қол қойды. 2025 жылы Қостанайдағы өндірістік алаңда 25 сепкіш кешені шығарылады деп жоспарлануда.
AMAZONEN-WERKE H. Dreyer SE & Co. KG Қазақстандағы уәкілетті өкілі «Амазоне» ЖШС және «АгромашХолдинг KZ» АҚ компаниясымен бірлесе отырып, ынтымақтастықты одан әрі нығайтуға, өндірілетін техниканың түрін кеңейтуге және озық агротехнологияларды енгізуге ниетті.
Байланыс ақпараты («Амазоне» ЖШС):
📧 Адрес электронной почты защищен от спам-ботов. Для просмотра адреса в вашем браузере должен быть включен Javascript.
🌐 www.amazone.kz
Анықтама ретінде:
«Jańa Dala / Green Day ‘2025» арнайы көрме-демонстрациясы 2025 жылғы 17–18 шілде күндері «Агрофирма «Ақтық» АҚ демонстрациялық алқаптарында (Нұресіл ауылы, Целиноград ауданы, Ақмола облысы, Талапкер ауылынан кейін, Астанадан 20 км жерде) өтеді.
Сонымен қатар, 2025 жылғы 31 шілде – 1 тамыз аралығында «Jańa Dala / Karkyn ‘2025» халықаралық ауыл шаруашылығы көрме-демонстрациясы «Қарқын» агрофирмасы ЖШС алқаптарында (Степановка ауылы, Меңдіқара ауданы, Қостанай облысы, Қостанайдан 65 км жерде) өтеді.
________________________________________________
«Jańa Dala / Green Day» ақпараттық орталығы
Ринат Тасбулатов, 8 701 460 91 82
e-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.
https://www.instagram.com/jana_dala_greenday/
